Tujhyasathi

तू माझ्या आयुष्यात येणें,
मला बरंच काही देऊन गेले,
शब्दांच्या पलीकडेही
एक जग असतं,
हे तुझ्या डोळ्यांनी 
दाखवून दिले ...

प्रेमात पडणं, ते ओळखणं,
ते फुलवणं, त्यात गुंतत जाणं,
ती नाजूक वीण घट्ट करणं,
एकमेकांना बरोबर ओळखून,
एकमेकांसाठीच जगणं,
हे आपल्याला कसं रे सहज जमून गेलं?

तुला आठवणं,
तुझ्या विचारात हरवणं,
तुझ्या सहवासात घालवलेले क्षण
स्मरणं
एक रतीबच होऊन बसलं

हे जग आधीही होतंच,
ते तू सुंदर केलंस
तू माझं असणं आणि जगणं
अधिकच फुलवलस